عاصمة أستراليا، صمّمها المهندس العالمي والتر بارلي غريفين وسمّيت بحيرتها باسمه
ـ1ـ
عِلَّقِتْ حُبِّي عَ الشَّجَرْ زِينِه
يَا كَانْبرا.. يَا حُرْش بِمْدِينِه
وْفِكَّرْتْ حَالِي (غريفِنْ) الرَّسَّامْ
وْأَرْضِكْ اللَّوْحَه.. عْمَايْرِكْ الِقْلامْ
وْمَا قْدِرْت إرسُمْ.. لا تْوَاخْذِينِي!
ـ2ـ
رِيحة تْرَابِكْ عَطّرِتْ غَابَاتْ
مْسَيّجِه بِجْبَالْ مَا بْتِرْكَعْ
غَطّ التّلج عَ صْخُورْهَا وْصَقَّعْ
شَعَّلْ حَنِينُو.. فَيْلَت الآهَاتْ
تْدَفِّي بُحَيْرَه مْنِ الْبَحِرْ أَوْسَعْ!
ـ3ـ
بْيُوتِك الشَّقْرَا.. تْحَمَّمِتْ بِالْفَيّ
وِتْنَشَّفِتْ بالأَخْضَرْ الْفَاتِحْ
نَفَّضْ شَجَرْهَا وْرَاقْ كِلاّ مَيّ
عَمَّدْ شَوارِعْ.. مَا انْوَجَدْلا خَيّ
فَلْشِتْ كْفُوفَا لِلْهَوَا مْسَارِحْ
**
